GPSSB AAE Civil Bharti 2025 : ગુજરાતમાં રહેતા અને સિવિલ એન્જિનિયરિંગમાં ડિપ્લોમા કરેલું હોય એવા ઉમેદવારો માટે સરકારી નોકરી મેળવવાની સુવર્ણ તક આવી ગઈ છે. ગુજરાત પંચાયત સેવા પસંદગી મંડળ (GPSSB) ગાંધીનગર દ્વારા પંચાયત સેવાની અધિક મદદનીશ ઈજનેર (સિવિલ), વર્ગ-3 સંવર્ગની કૂલ 350 જગ્યાઓ માટે ભરતીનું નોટિફિકેશન બહાર પાડ્યું છે. આ માટે ઉમેદવારો પાસે ઓનલાઈન અરજીઓ મંગાવવામાં આવી છે.
જે ઉમેદવારો પાસે જરૂરી ડિપ્લોમા લાયકાત છે, તેઓ માટે આ એક મોટી તક છે. ગુજરાત ઓજસ નવી ભરતી અંતર્ગત અધિક મદદનીશ ઈજનેર પોસ્ટની વિગતો, શૈક્ષણિક લાયકાત, વય મર્યાદા, પગાર ધોરણ અને અરજી પ્રક્રિયા સહિતની મહત્વની માહિતી નીચે આપેલી છે.
GPSSB અધિક મદદનીશ ઈજનેર (સિવિલ) ભરતીની વિગતો
ગુજરાત પંચાયત સેવા પસંદગી મંડળ ગાંધીનગર દ્વારા જાહેર કરાયેલી કુલ 350 જગ્યાઓ પર ભરતીની વિગતો નીચે મુજબ છે. આ ભરતી માટે અરજી કરવાની છેલ્લી તારીખ 6-11-2025 છે.
- સંસ્થા : ગુજરાત પંચાયત સેવા પસંદગી મંડળ ગાંધીનગર
- પોસ્ટ : અધિક મદદનીશ ઈજનેર (સિવિલ)
- કુલ જગ્યાઓ : ૩૫૦
પંચાયત સેવા ભરતી માટે શૈક્ષણિક લાયકાત અને પગાર ધોરણ
આ ભરતીમાં અરજી કરવા માટે ઉમેદવારોએ ખાસ કરીને શૈક્ષણિક લાયકાતની શરતનું પાલન કરવું જરૂરી છે:
શૈક્ષણિક લાયકાત
- સરકાર માન્ય સંસ્થાઓમાંથી મેળવેલ સિવિલ એન્જિનિયરિંગમાં ડિપ્લોમા ધરાવતો હોવો જોઈએ.
- જો ઉમેદવાર સિવિલ એન્જિનિયરિંગમાં સ્નાતકની ડિગ્રી (BE/B.Tech) ધરાવતો હોય તો તે અરજી કરવા માટે પાત્ર રહેશે નહીં (માત્ર ડિપ્લોમા લાયકાત ધરાવતા ઉમેદવારો જ અરજી કરી શકે છે).
- ગુજરાત સિવિલ સર્વિસીસમાં નિર્ધારિત કમ્પ્યુટર એપ્લિકેશનનું મૂળભૂત જ્ઞાન હોવું જોઈએ.
- ઉમેદવાર પાસે ગુજરાતી અથવા હિન્દી અથવા બંનેનું પૂરતું જ્ઞાન હોવું જોઈએ.
વય મર્યાદા
અરજી કરનાર ઉમેદાવર 18 વર્ષથી નાનો નહીં અને 33 વર્ષથી મોટો ન હોવો જોઈએ. અનામત વર્ગના ઉમેદવારોને સરકારી નિયમ પ્રમાણે વય મર્યાદામાં છૂટછાટ મળવા પાત્ર રહેશે.
પગાર ધોરણ
પસંદ પામેલા ઉમેદવારોને પ્રથમ પાંચ વર્ષ માટે પ્રતિ માસ ₹49,600 ફિક્સ પગાર મળશે. પાંચ વર્ષની સંતોષકારક સેવા બાદ નિયમાનુસાર નિયમિત પગારધોરણમાં નિયુક્ત કરાશે.
કયા જિલ્લાઓમાં કેટલી જગ્યાઓ
ગુજરાત પંચાયત સેવા પસંદગી મંડળ ગાંધીનગર દ્વારા પંચાયત સેવાની અધિક મદદનીશ ઈજનેર (સિવિલ), વર્ગ-3 સંવર્ગની કૂલ 350 જગ્યાઓ માટે ભરતીનું નોટિફિકેશન બહાર પાડ્યું છે. કયા જિલ્લાઓમાં કેટલી જગ્યાઓની માહિતી નીચે આપેલી છે.
| જિલ્લા પંચાયત | જગ્યા |
| અમદાવાદ | 13 |
| અમરેલી | 1 |
| આણંદ | 5 |
| અરવલ્લી | 15 |
| બનાસકાંઠા | 32 |
| ભરૂચ | 10 |
| ભાવનગર | 6 |
| બોટાદ | 3 |
| છોટા ઉદેપુર | 16 |
| દાહોદ | 14 |
| દેવભૂમિ દ્વારકા | 10 |
| ડાંગ | 8 |
| ગાંધીનગર | 3 |
| ગીર સોમનાથ | 11 |
| જામનગર | 3 |
| જૂનાગઢ | 11 |
| કચ્છ | 18 |
| ખેડા | 14 |
| મહીસાગર | 15 |
| મહેસાણા | 15 |
| મોરબી | 4 |
| નર્મદા | 2 |
| નવસારી | 10 |
| પંચમહાલ | 17 |
| પાટણ | 5 |
| પોરબંદર | 2 |
| રાજકોટ | 4 |
| સાબરકાંઠા | 16 |
| સુરત | 14 |
| સુરેન્દ્રનગર | 18 |
| તાપી | 11 |
| વડોદરા | 11 |
| વલસાડ | 13 |
| કુલ | 350 |
ગુજરાત પંચાયત ભરતી માટે અરજી કેવી રીતે કરવી?
આ ભરતી માટે ઉમેદવારોએ ફક્ત ઓનલાઈન માધ્યમથી અરજી કરવાની રહેશે:
- સૌ પ્રથમ, ગુજરાત સરકારની સત્તાવાર ભરતી વેબસાઇટ https://ojas.gujarat.gov.in/ ઉપર જાઓ.
- અહીં ‘Current Advertisement’ પર ક્લિક કરો.
- અહીં વિવિધ ભરતીની વિગતો દેખાશે.
- જે તે પોસ્ટ માટે અરજી કરવાની હોય, ત્યાં સામે આપેલા ‘Apply Now’ પર ક્લિક કરો.
- માંગેલી તમામ માહિતી ભરીને ઓનલાઈન અરજી પ્રક્રિયા પૂર્ણ કરો.
અરજી કરવાની છેલ્લી તારીખ: 6-11-2025 છે. ઉમેદવારોને સમયસર અરજી કરવા અને સત્તાવાર નોટિફિકેશન (નોટિફિકેશન GPSSB વેબસાઇટ પરથી મેળવી લેવું) વાંચવા માટે સલાહ આપવામાં આવે છે.