Police Bharti 2025 : પોલીસ ભરતીની તૈયારી કરતા ગુજરાતના યુવાનો માટે વર્ષના અંતમાં સૌથી મોટા અને સારા સમાચાર આવી શકે છે. સૂત્રોના જણાવ્યા અનુસાર, ગુજરાત સરકાર દ્વારા પોલીસ દળમાં આશરે 13,000 થી વધુ જગ્યાઓ પર નવી ભરતી જાહેર કરવાની તૈયારીઓ શરૂ કરી દેવાઈ છે. જો બધું યોજના મુજબ ચાલે, તો ડિસેમ્બર માસમાં આ મોટી ભરતીની સત્તાવાર જાહેરાત થઈ શકે છે.
આ ભરતી પોલીસમેન (પોલીસ કોન્સ્ટેબલ) બનવા માંગતા ઉમેદવારો માટે એક મોટી તક લઈને આવી રહી છે. હાલમાં ચાલી રહેલી 12,000 લોકરક્ષકની ભરતી તેના અંતિમ તબક્કામાં છે અને ટૂંક સમયમાં તેનું પરિણામ જાહેર થવાનું છે, તે પહેલાં જ નવી ભરતીની તૈયારીઓ શરૂ કરી દેવાઈ છે.
ડિસેમ્બર માસમાં કેટલી જગ્યાઓ પર ભરતી જાહેર થશે? જાણો આંકડા
પોલીસ દળમાં વિવિધ કેડર માટેની સંભવિત ભરતીના આંકડા નીચે મુજબ છે, જે એક વિશાળ ભરતી તરફ ઈશારો કરે છે:
- પોલીસમેન (કુલ): આશરે 13,000 થી વધુ પોલીસમેનની જાહેર થઈ શકે છે ભરતી.
- બિન હથિયારી લોકરક્ષક (LRD): 7000 થી વધુ જગ્યાઓ પર આવી શકે છે ભરતી.
- હથિયારી લોકરક્ષક (LRD): 2500 થી વધુ લોક રક્ષકની ભરતીની જાહેરાત આવી શકે છે.
- એસઆરપી (SRP): આશરે 3000 જગ્યાઓની ભરતી આવી શકે છે.
- પોલીસ સબ ઇન્સ્પેક્ટર (PSI): 684 પીએસઆઇની પણ આવી શકે છે ભરતી.
યુવાનોને વર્ષના અંતમાં મળી શકે છે મોટી ભેટ
પોલીસમેન બનવા માગતા લાખો લોકોને વર્ષના અંતમાં આ ભરતીના રૂપમાં એક મોટી ભેટ મળી શકે છે. હાલમાં 12,000 લોકરક્ષકની ભરતી અંતિમ તબક્કામાં છે અને ટૂંક સમયમાં તેનું પરિણામ જાહેર થવાનું છે. આ પ્રક્રિયા પૂરી થતાં જ નવી ભરતીની જાહેરાત કરવામાં આવશે, જેથી રાજ્યના પોલીસ દળમાં જવાનોની ઘટ પૂરી કરી શકાય. આ માટે, પોલીસ ભરતી બોર્ડ દ્વારા ભરતીની તમામ તૈયારીઓ શરૂ કરી દેવામાં આવી છે.
જે ઉમેદવારો પોલીસ દળમાં જોડાવા માંગે છે, તેઓએ અત્યારથી જ તેમની શારીરિક અને લેખિત પરીક્ષાની તૈયારીઓ શરૂ કરી દેવી જોઈએ. ભરતીની સત્તાવાર જાહેરાત ડિસેમ્બર મહિનામાં ગમે ત્યારે થઈ શકે છે.
અહીં જુઓ ભરતી અંગેની મૂળ ટ્વીટ
આ સમાચારની પુષ્ટિ કરતા પત્રકાર દીપક રજાણીની મૂળ ટ્વીટ નીચે એમ્બેડ કરવામાં આવી છે, જેમાં ભરતીના સંભવિત આંકડાઓની માહિતી આપવામાં આવી છે:
Psi ના પરિણામ જાહેર થવામાં હજુ એકાદ માસનો લાગી શકે છે સમય.પેપર-2ની હજુ ચાલી રહી છે ચકાસણી ત્યારબાદ જાહેર થઈ શકે છે પરિણામ. ભરતી બોર્ડની સત્તાવાર જાહેરાતની જોવાઈ રહી છે રાહ.@tv13gujarati
— Deepak rajani (@deepakrajani123) October 9, 2025